Къарувлы къанатымсынъ,

Дюльдюлим – урь атымсынъ,

Тюкенмез икметимсинъ,

Байлыгъым, девлетимсинъ,

Къальбимнен бирге ургъан,

Дюньядан устюн тургъан

Виджданым, намус-арым,

Гъурурым, ифтихарым –

Азиз юрт, азиз Къырым!

Юрегиме сызылгъан,

Шуурыма язылгъан

Гъает дюльбер ресимсинъ,

Парлакъ нурлу исимсинъ,

Гурьдели шад сесимсинъ,

Къальбимнен бирге ургъан,

Дюньядан устюн тургъан

Виджданым, намус-арым,

Гъурурым, ифтихарым –

Азиз юрт, азиз Къырым!